林秀怡被指靠男友上車做業主　嬲爆回應：首期我每月都還緊畀佢

林秀怡去年喺TVB節目《我要做業主》中，透露自己上車做業主，仲笑言「成功靠男友幹」，因為演員收入唔穩定，拍拖4年嘅男友做秀怡擔保人，更願意付出大份首期。點知最近網上流傳話佢靠男友上車做業主，令林秀怡嬲爆回應：「所有費用都一人一半，首期我每月都還緊畀佢。」

林秀怡喺IG STORY話：「層樓一人一半，所有費用都一人一半，佢先出首期我再每月還，我每月都還緊畀佢同每月大家都努力供樓。大家一齊努力，由零出發一齊去建立將來。我哋兩個都唔係咩大富人家，我哋都係努力工作、努力生活嘅人。不如試吓多啲祝福人啦！大家都幫大家過緊難關，佢知我唔夠佢會幫吓我，我知佢唔夠我會幫吓佢，我哋係咁樣扶持嘅一對情侶。」

點擊睇秀怡更多靚相！