蘇麗珊逆市與男友投資開店做老闆 寓工作於拍拖:可以見多啲

撰文:洪曉璇
出版:更新:
蘇麗珊愛與男友一齊工作,爭取相處機會。(IG:@ceciliaso)

蘇麗珊(Cecilia)去年於市道不景氣下,與圈外男友Kenny開設按摩店,又入股Super Girls成員陳穎欣(Yanny)的餐廳,她表示對事業發展持樂觀態度:「我覺得有危先有機嘛!同埋對香港呢個地方仍然有信心嘅,因為都想趁拍攝工作冇咁多嘅時候,嘗試一啲平時冇時間做嘅計劃!」

蘇麗珊去年於市道不景氣下,與圈外男友Kenny開設按摩店。(IG:@ceciliaso)

Cecilia又表示喜愛與男友一起工作,寓工作於拍拖:「都享受嘅!我覺得我哋都合拍,同埋可以見多啲呀嘛,哈哈!因為平時如果要拍攝就一定見唔到面,可能兩、三個禮拜見唔到咁樣,所以我幾鍾意同佢一齊做嘢!」

蘇麗珊話同男友Kenny好合拍。(IG:@ceciliaso)
+33

早前Cecilia與香港開電視主播馬梓軒一同炮製愛心湯丸賀新歲,Cecilia笑言整湯丸對她來說並非最拿手:「平時我淨係鍾意焗麵包,因為我好鍾意食麵包,鍾意食嗰樣嘢,自然有心機整!至於整湯丸就真係唔在行,啱啱我整咗一粒大嘅,但煮完之後裡面個餡好似未熟,哈哈!」

蘇麗珊(Cecilia)與香港開電視主播馬梓軒一同炮製愛心湯丸賀新歲,但整得太大粒有啲唔熟。