滕麗名受噪音困擾搬新竇 西貢獨立屋擁超級開揚景觀雲石樓梯
撰文：鄺鈺瑩
出版：更新：
滕麗名過往在家中直播或拍照時，都會將窗廉拉上。（fb圖片)
滕麗名因在劇集《陀槍師姐2021》再演「陳三元」，勾起不少觀眾集體回憶。日前滕麗名在FB上載與老公嘅對話，內容大致係過年前突然要搬屋，老公吩咐她不用擔心，並表示會負責粗重嘢，令滕麗名十分感動，但最後她發現老公其實都係翹埋雙手，因為有搬屋公司幫手，有網民即留言問係未搬大屋。
新屋景觀開揚，加上有私人花園，滕麗名想點直播都可以。(FB圖片)
由滕麗名上載嘅幾張照片所見，新屋以白色為主，並設有一條白色雲石樓梯，而另一照片則是滕麗名在有無敵靚view嘅花園嘆早餐，十分寫意。滕麗名接受《香港01》訪問時表示:「搬屋係因為舊居附近有大型修路工程，噪音同塵埃特別多，所以決定搬。」
新屋有雲石樓梯。(FB圖片)
滕麗名雖然未有透過搬去邊，不過向來鍾情西貢村屋嘅佢，婚後與老公朱建崑（Matthew）曾租住西沙千呎村屋，不過當時村屋只得天台，亦無靚景可言，而新屋估計亦是在西貢區的獨立屋，既有空間，亦有獨立小花園，夠晒滕麗名同佢老公兩人居住。
超大客廳。
點擊下圖觀看10件關於阿滕你未必知道的事
+27