楊明又累同事被unfollow? 唐詩詠放合照遭網民杯葛
撰文：鄺鈺瑩
出版：更新：
唐詩詠昨日趁開工前到鮑起靜屋企拜年，但因為合照有楊明，而被網民unfollow。(ig圖片)
唐詩詠喺農曆新年期間出去拜年，日前佢去到鮑起靜屋企拜年，之後仲喺IG上載合照，照片中，除有車婉婉、王君馨、港男胡㻗外，仲有楊明，眾人去年一齊合作TVB劇集《我家無難事》。之不過，照片上載後，即時出現大量「有楊明，unfollow」嘅留言，睇嚟大家都「楊明不了」。
負評如潮。
為了轉移「楊明不了」，唐詩詠今日上載與車婉婉兒子Justus Quinlan合照，並在IG限時動態寫下「禪修的重點，就是要放下你對禪修的所有期待」其實楊明已非首次累同事被網民unfollow，去年湯洛雯在IG為上載《機場特警》NG片段時，由於當時嘅楊明嘅政治立場，令影片獲過千負評之餘，湯洛雯嘅IG追蹤人數亦急降，事後楊明仲話會請食飯。
都係放返溫馨合照算。（ig圖片)
湯洛雯都曾經係「楊明不了」受害者。（資料圖片）
同場加影：楊明認罪不小心駕駛 唔認拒絕提供血液樣本罪 下年3月2日開審
同場加影：唐詩詠曬「鐵馬家族」聚首一堂靚相 網友未見馬國明湯洛雯感失望