盤點紋身藝人背後故事 甄子丹為冧老婆 欣宜牡丹花悼念母親
曾幾合時，紋身予人「壞」嘅感覺。不過，隨著時代改變，紋身既可以係潮，亦可以代表一個故事，圈中有唔少藝人都有紋身，大家又估下邊個最有故事？
甄子丹
宇宙最強嘅甄子丹喺左腰後方紋有「詩」字字樣，原因係老婆汪詩詩早年生完小朋友後，腰間佈滿橙皮紋，故她要求老公紋上紋身，但一開始其實遭到拒絕，直到有日甄子丹主動提議紋身，有指整個紋身過程仲無用麻醉藥。
張繼聰
同樣係愛妻號嘅張繼聰，在右手內側紋上兒子名字「JAMES」以及「K&J」字樣，代表一家人一條心。
鄭秀文
2019年發生「安心事件」後，鄭秀文身上突然多了幾紋身，之前曾經有傳紋身用作「謹記這次的傷痛」，不過Sammi其後表示係因為有一後時間弄傷膝蓋不能跑步，所以想要一些新東西，就紋了一句英文去勉勵自己。至於手腕上嘅紅線紋身，佢就話係因為自己鍾意紅色。
余文樂
余文樂身上第一個紋身位於右手大臂外側，「All work and no play makes jack a dull boy .」取自於經典恐怖電影《閃靈》裡面的台詞，其後他又紋上阿姨和外婆的肖像，藉此悼念兩位已故親人。2014年，成立個人品牌 MADNESS時，他將品牌名稱紋到身上。第四個紋身就係余文樂經常用到嘅一組數字「666」。此後，身上紋身愈來愈多：鐘樓、復古手槍、馬龍·白蘭度肖像、眼睛、玫瑰花、卡通人物Charlie Brown、羽毛……由手臂開始發展到鎖骨位置。
陳冠希
陳冠希於右肩上紋上「Been there done that 」，意思係「經歷過了，感同身受」，寓意最低潮時前的感悟，而右臂的「 Hi Mom 」就係對媽媽嘅愛，小腿嘅棕櫚樹就係提醒自己嘅根在洛杉磯，另外手腕上嘅煙花紋身亦係提醒自己活在當下。
鄭欣宜
欣宜身上嘅5個紋身各有不同意義，水仙花圖案係為紀念湊大自己嘅外婆，手臂嘅牡丹花就係紀念媽媽肥姐沈殿霞，右手紋樹代表生命不斷生長，左邊大腿玫瑰係佢開鋪做生意第一日已達標，故與拍檔一齊去紋身留念。
林二汶
曾表示「我好鍾意我啲紋身」嘅林二汶身上有不同的紋身圖案，當中嘅「日出」圖案，是在at17拍檔盧凱彤自殺後紋上，用意對方會繼續陪她走之後的路。
竇靖童
竇靖童喺18歲時，紋上第一個紋身，當中包括一條由下巴一直延伸至頸部近鎖骨位的直線，她表示是用作鼓勵患上先天性唇顎裂（俗稱兔唇）嘅妹妹李嫣，希望佢唔會因為臉上缺憾而感到自卑，。而「螞蟻」紋身，係韓國樂隊Hyukoh主音吳赫為佢所紋，寓意勤勞能幹，預示在工作上都能帶來不錯的成績。至於手臂上嘅「Carpe Diem」紋身，其實係拉丁文，意思係抓緊每一天。
陳偉霆
陳偉霆左手指上嘅W係英文名William縮寫，右臂內側嘅「Danz」係佢2008年喺美國學跳舞時所紋 ,寓意為舞蹈而緊持。「Danz」是為了表達對舞蹈嘅熱愛。肩膀上嘅「set the world on fire」字樣取自《We Are Young》一句歌詞，意即花樣年華的我們將世界燃點 ;左胸口上嘅皇冠，底座代表陳偉霆英文名William，頂部粒星，係佢曾經話過自己粉絲係little star。左手臀「InsideMe」係為紀念2016年第一次演唱會。鎖骨上嘅「Super Human Gift」係其喜愛歌曲《Something Just Like This》歌詞，意思係超人般嘅天賦異稟。其實陳偉霆喺腰間仲有個十字架紋身，係佢早年同Angelbaby拍拖時，齊齊留下嘅情侶紋身。
謝霆鋒、王菲
唔少情侶喺熱戀時都會留下情侶紋身，就好似鄭中基當年都為蔡卓妍在右手臂紋上對方英文名字Charlene，分手後，將紋身除去，用金魚、裸女、撲克牌等圖案覆蓋。而謝霆鋒與王菲拍拖時，齊齊喺腰後紋上「比翼雙飛」圖案，及後二人分手仍保留該紋身。