無綫賀年節目《天天開運王》每集都會搵嚟唔同嘅玄學風水師傅，為藝人嘉賓講解今年嘅運程。昨晚播出一集，大廚先用豬、牛、羊、雞、魚煮出八款菜式，之後糖妹、王梓軒分別揀出兩款自己喜愛嘅菜式用作占卜，王梓軒挑完之後，好認真咁介紹：「呢個應該係雞，呢個係青菜。」

不過當佢講完之後，幾位主持，包括薛家燕都即時黑人問號，而負責占卜李丞責就話：「估唔到你除咗係神算之外，連飲食都有天份……呢個係馬蹄」眼見眾人笑到抽筋，神算軒依然保持淡定，仲話自己同馬蹄有啲緣份。即係咁，啲馬蹄炒完之後，雖然顏色係有少少改變，但點睇都唔似雞，神算軒真係好特別！節目上，王梓軒重提「神算軒」一事時，在旁嘅薛家燕問：「你都認為自己係啱？」，王梓軒就話：「所以咪係神算軒囉，我做音樂又係神算軒，拍戲又係神算，關咩事啫？」

同場加映：糖妹原來已經33歲　入行13年外表如一勁童顏