吳孟達設靈︱鄧英敏憶往事試過同達哥周潤發裸泳:想放縱吓自己

撰文:邱愛霖
出版:更新:

上月27日罹患肝癌離世的資深藝人吳孟達(達哥),享年70歲,今日(7/3)於紅磡世界殯儀館設靈。與達哥是第三期藝訓班同學的鄧英敏、潘先琪、伍潤泉、甄懋強、陳敢權及麥振江均有到靈堂致祭。鄧英敏受訪提起往事,憶述當年讀藝訓班時,竟試過與達哥、林嶺東、周潤發及伍潤泉晚上在屯門一間學校裸泳。

鄧英敏(右)憶述,當年讀藝訓班時試過與達哥和周潤發等同學一齊裸泳。(葉志明攝)

他說:「因為同管理員、救生員相熟,加上係夜晚,我哋大家就提議『不如裸泳囉!』剝晒衫褲剝晒鞋,冇所謂,玩咋嘛,有啲人去到沙灘都想放縱吓自己,又冇人見到……呢啲都係歡樂嘅點滴。」他又讚達哥是猜枚高手,又試過幾次賭馬贏幾十萬,再請他們到酒店扒房鋸扒。

鄧英敏讚達哥是猜枚高手,試過幾次賭馬贏幾十萬。(葉志明攝)

相信達哥與林嶺東天上開戲:遲啲到我上去㗎喇

問有甚麼說話想同達哥講,他感慨道,相信林嶺東大導演過身後會在天上開戲,應有預留角色給達哥,「我已經叫達哥同阿東留返啲角色畀我,遲啲到我上去㗎喇,大家又可以見吓面。其實都冇嘢嘅,我哋嘅肉體死咗啫,個靈魂都係平行宇宙咁,可以穿梭嘅。」

點擊看更多公祭相:

+44