「靚聲天后」拍拖12年疑恨嫁曲線催婚　曾自行曬戒指答「我願意」

42歲歌手泳兒（Vincy）出道近20年，初出道被稱為「怪物級新人」，早年作品《感應》、《花無雪》令人印象深刻，近年獲封「靚聲天后」，可惜仍未算得上大紅大紫。感情方面，泳兒與髮型師男友Ziv拍拖逾12年，兩年前突然貼出戒指照，發文：「我願意」三字疑似宣布婚訊，後揭是宣傳全城「炒車」。泳兒長跑多年未開花結果，連霍汶希都忍不住向泳兒催婚，然而泳兒曾明言「唔會主動向佢求婚」。近日她分享短片，疑曲線向男友催婚？

泳兒日前分享一段用餐片段，她指欣賞另一半具紳士風度，「我欣賞另一半除了照顧我以外也會對身邊的人gentlemen（紳士）（當然不是越界那種）因為代表佢係一個caring（關懷）嘅本質 你們會介意嗎？」之後鏡頭外的朋友發問：「有咩Moment（時刻）令到你會覺得，呢個男仔係你可以陪伴終生？」泳兒答道：「遇到一個逆境嘅時候，佢點樣同你一齊去度過，就可以Test到佢係咪一個可以同你餘下下半生可以同你一齊度過。」講到連飯到忘了食，明裏暗裏提到另一半，似乎相當恨嫁！