19歲「樂壇小天后」雪藏期現身港台節目　騷設計圖談時裝藝術

現年19歲的「樂壇小天后」炎明熹（Gigi）自去年中爆出與TVB的合約出現問題後，被「雪藏」至今，甚少幕前工作。不過，炎明熹日前以學生身份受訪港台節目《港式速遞講你知》，以理工大學時裝及紡織學院學生談時裝藝術。

影片中，炎明熹以跌膊裇衫襯絲絨帽造型出鏡，非常有型格，她更講道︰「藝術係其實係一件好有包容性，同埋可以激發你無限想像嘅一件事情。喺大學，我有機會讀到時裝設計，同同學一齊去創作一件作品，有趣嘅地方就係一啲出錯嘅位置，可以延伸另外一件作品出嚟。我自己可能一直喺度探索緊一啲，點樣可以令到一件事成形嘅一個狀態，因為通常自己畫畫比較多，但係就未實踐過出嚟，所以我創作服飾，有啲形狀唔知道可唔可以做到出嚟。我就喺度諗，仲有啲乜嘢布料或者物質，可以令到佢哋有一個咁樣嘅形狀。」她更展示其設計圖，其中有戲曲服飾，她說︰「有時好想畫啲漢服出嚟，例如戲曲服或與古風有關嘅事。」