溫碧霞推出第五本寫真唔敢太性感　感慨老了皮膚不再Q彈

溫碧霞今日以跌膊look出席發布會。（陳順禎攝）

溫碧霞推出第五本寫真集，由於今次有部分寫真用作慈善拍賣，所以尺度上未能去得太盡，今午舉行發布會時，溫碧霞表示今次寫真用兩年時間完成，邊旅行邊影靚相，問到有否為此瘋狂置裝，她說：「不嬲都有買，（買到破產？）都OK，藝人需要追住潮流。」問到是否出寫真已成習慣，溫碧霞表示是因為fans十分喜歡，而自己第一本寫真是在20幾歲時推出，差不多每隔5年一本。

問到老公會否有機會操刀，溫碧霞大讚老公能捕捉自己最自然一面，又十分有耐性。「仔仔都有幫手影，但佢唔鍾意被影。仔仔好多嘢都好似我，我覺得佢自信同好知自己做咩幾似我，佢好多嘢想做，一時想做科學家一時藝術家，我唔介意佢入行，最緊要佢開心。」

提到日前再次扮演妲己，溫碧霞表示：「我好鍾意妲己，同埋嗰時係我最開心嘅時候，因為2000年我結婚，我都幾怪，最高峰時結婚。（覺得自己無變？）都唔係，老咗，無以前咁靚，睇返以前啲相真係Q彈。（會唔會好焦慮？）無得焦慮，我覺得已經好感恩，到我呢個年紀仲keep到咁。」