《中年好聲音3》林子祥金曲之夜中，陳芷盈演繹《千億個夜晚》時竟然忘詞，令人大跌眼鏡。今日（19/04）陳芷盈出席活動接受訪問時表示自責，直言因為當時狀態不佳。到底比賽時發生了什麼事？她回答其實是因為要照顧爸爸。

陳芷盈透露，當時與上一集只相隔了三日時間，又遇上爸爸因病入院，變相在照顧家人的情況下，少了很多練習機會，在台上也不能專心比賽：「我覺得自己當時狀態好差，個腦好多嘢要煩惱。爸爸身體點呢？幾時出得院？但係我覺得自己要向前看，咁先可以畀到自己動力去進步。」

她續說，有一次睇醫生後，爸爸回家時呼吸很辛苦，所以就馬上送院：「我幫佢檢查血氧含量，發現非常之低。嗰時call白車送入醫院，原來情況已經好差，可能係有關佢以前嘅工作吸入咗好多塵埃，類似係肺積塵嗰啲，同埋佢都年紀大。」所幸現在她的爸爸已經脫離危險期回到家中。