胡子彤今午（4日）出席職安活動，提到Jeffrey（魏浚笙）日前拍戲時發生嚴重意外，頸部近動脈現駭人傷痕，胡子彤曾拍攝《城寨》時受傷縫15針，他表示沒有人想受傷。「我未搵Jeffrey，因為知道好多人搵佢，畀啲時間佢處理，佢拍水戲，我估係太緊張，有時可能練得少，不過意外真係無人想，因為Renci（楊偲泳）同朱仔（朱鑑然）都有份拍，所以我都有同佢哋講真係要小心，最緊要人無事。」據悉，Jeffrey所拍攝的是翁子光監製、馮志強執導的《浪花男女》。

胡子彤透露將會擔任林峯個唱嘉賓，但仍未知會唱什麼歌，希望自己第一次上紅館能好好準備，古天樂早前表示會在台下跳，子彤表示只要老闆喜歡，上刀山落油鑊都沒所謂； 提到日前金像獎慶功宴上，古天樂心情大好，問到可有任何獎勵，胡子彤說：「老闆心情好已經係對我哋好好嘅回報，因為佢日理萬機，好多嘢要處理，好耐無見過佢咁開懷大笑，希望佢可以keep到。同埋都希望佢好好照顧自己身體，處理好眼睛，先可以帶領我哋呢班迷途小羔羊。」