TVB節目《中年好聲音3登峰之戰》昨晚（5月11日）圓滿結束，結果由黃博、張與辰和劉洋分別贏得冠亞季軍，並掀起全城熱話！

今日（12/05）黃博與張與辰、劉洋及評審出席見面會，黃博接受《香港01》訪問時表示，打算用10萬元獎金和其他「中3」參賽者一齊食飯慶祝。記者問：「食乜？」她就回答：「未諗，要食餐好嘅。」賽後訪問中，黃博爸媽激動的表現成為焦點，黃博替其解釋，其實父母平日表現較內斂。

回看節目，發現小豬羅志祥在宣布黃博得冠軍後，竟露出O嘴的神情。對此，黃博回應：「我冇關注喎，返去睇返先。」對於之後的發展，黃博表示聽從公司安排。記者提議她可以先開一個小型演唱會，她頗為驚訝：「嘩！寫低先。」

有網民認為劉洋比黃博更出色，更值得成為冠軍，黃博說：「每一個人攞冠軍，我都好開心，我喺台上面聽都覺得大家好好。我好感謝每一個支持我哋嘅朋友，其實得到咁多人支持，都係一件好開心嘅事。有人鍾意黃博，有人鍾意張與辰，有人鍾意劉洋，都係一件開心嘅事情。」