今年3月21日，Louisa麥明詩為機師老公盛勁為誕下囝囝，轉眼完成坐月後二人開始帶囝囝外出看世界。麥明詩更曝光盛勁為一舉動，疑早有預謀隨時開始追下一胎。

麥明詩生BB後淡忘首個結婚周年　感激盛勁為成神隊友

隨住坐完月出關，麥明詩開始更新社交網，除了分享湊仔日常，亦曝光住院時吸氧氣，以及坐月期間未修身模樣。日前抱住囝囝度過第一個母親節感觸良多：「多謝你送花同我慶祝我第一個母親節，仲送咗紮花嘅size大過你自己人仔。點知你送送吓就唔記得咗自己送緊花，狂嗌要飲奶😂。之後仲同婆婆一齊慶祝母親節，婆婆話今次係佢人生中最開心嘅母親節👀 養兒方知父母恩，我都慢慢體會到做媽媽真係不容易。thank you 媽咪。」

囝囝滿月後，麥明詩盛勁為一家三口外出，更帶囝囝上船吹海風，盛勁為戴太陽眼鏡單手抱仔相當有型，笑言：「努力學習緊點樣將👶🏻融入生活而不失霸氣。」另外的照片則一臉寵溺望住囝囝餵奶。麥明詩轉載老公推BB車照片爆料：「當日盛生揀呢個STROLLER，話因為佢個DOUBLE MODE，可以載到兩個BB……」莫非盛生盛太想挑戰一年抱兩？