最近蔡淇俊打住過氣藝人招牌擺攤撈得風山水起，不少藝人也想過去投靠，最新一位便是E-kids成員林詠倫（Alan）。他在最近的影片當中說，自己離開樂壇後做過不少工作，包括文員、沖奶茶、教跳舞，但依然養不到自己。

3年前，他前往廣州發展，不過星途一直平平，當時蔡淇俊提過他不要簽公司，他也跟蔡淇俊學過帶貨，但因為合約問題最終也是失敗。現在回復自由身的他，決定再跟蔡淇俊搵食，希望45歲的自己可以闖出一片天。

E-kids自2018年的三場演唱會後就沉寂了一段時間，林詠倫在接受訪問時曾自言銀行戶口曾經只剩下三位數字儲蓄：「嗰陣好慘，唔係唔想做，而係唔知可以做乜。」後來沒有工作而被迫轉了行，開設媒體公司工作室，兼投資外賣老火湯店：「都要生活㗎！有時都親力親為去送下外賣！有時唔係唔想堅持，但真係做到好灰，以E-kids為例都係大起大落，好似股市咁，惟有試下轉型。」