劉佩玥有份演出的《巨塔之后》熱播中，劇中劉佩玥和樂珈嘉為繼母女關係，原來現實中也因拍劇而結緣，成為「契媽契女」。不過，兩人年齡只差14歲，為甚麼會是「契媽契女」而不是「姐妹」，原來又有另一個故事。

劉佩玥接受《香港01》訪問時表示，本身喜歡做投緣的朋友的小朋友的契媽，她說：「一開始係諗住，大家咁投契，不如做姐妹，但係我哋喺套劇入面係繼母女。嘉嘉好搞笑（說）：『突然之間改唔到口呀。』我又係喎，好唔慣，咁不如叫返媽咪啦，所以就好自然一路都係咁樣。我覺得係緣份。」

她續說，除了被人愛錫之餘也有將愛傳遞給其他人的衝動，「有一個女仔咁信任自己，佢又好鍾意嗲我，好鬼得意。我又好想要一個咁乖嘅女。」想不想自己生返個？她回答現時會考慮更多：「難聽啲講，係自私咗，好聽啲講，係考慮嘅嘢多咗。時間、錢、情緒，所有嘢都要畀佢，我會希望我係一個做好晒個人嘅嘢，先去take care小朋友嘅一個人。」她最後也表示，生小朋友需要「衝動」。