聲夢傳奇︱主持森美稱李克勤為「神」 透露心水參賽者:青靚白淨

撰文:陳芷穎
出版:更新:

無綫昨日(24/3)舉行的「超級綜藝 隆重登場」記者會就公布了歌唱節目《聲夢傳奇》將由森美做主持,曾擔任《超級巨聲》客席主持的他指兩個比賽感覺不一樣:「今次係真人騷,睇到參賽者嘅性格多啲,以往要係台面先感受到,而家可以好早就可以。感覺唔同啲,大家認識更多、更立體。」

無綫昨日(24/3)舉行的「超級綜藝 隆重登場」記者會就公布了歌唱節目《聲夢傳奇》將由森美做主持。(梁碧玲攝)

森美與15位參賽者相處後笑言他們暫時關係融洽,希望往後見到更多因競爭而擦出的火花。談到做明星的標準,森美認為沒有一定條件,只要表現到自己已經足夠,而最吸引到他的是黃奕斌Hugo:「以往嘅明星就有明星相,好靚、跳舞好勁,但而家冇喇。最緊要表現自己,因為唔知大家鍾意嘅係咩,有啲人鍾意唱歌、有啲鍾意性格,有時鍾意你嘅甩漏。(邊位特別吸引你?)如果一定要揀就Hugo(黃奕斌),佢嘅外表同我有啲撞撞哋,青靚白淨。我見親靚仔就唔鍾意,但同佢相處就發現幾乖巧,係一個好男仔,着眼點會放喺佢多啲。」

李克勤將出任《聲夢傳奇》「奶爸」一角,為參賽者解決問題。森美稱他為神並透露克勤會邀請不同歌手加入作為導師:「克勤直頭係神,以佢喺樂壇嘅資歷加上又係歌唱比賽出身,自身經歷好適合帶住佢哋。克勤會搵埋唔同歌手朋友加入,會令到節目更星光熠熠。」

+3

同場加映

聲夢傳奇︱黃奕斌憑靚仔樣成大熱 張馳豪身高一米八五學歷同樣高

+3