謝安琪為阻止張繼聰再買車 人妻挑戰高難度:誓要考到棍波車牌

撰文:
最後更新日期:

謝安琪正式報名學電單車。(謝安琪圖片)

張繼聰喺今年情人節送老婆謝安琪(Kay)一部米白色中古電單車,明知老婆無車牌都咁「厚禮」,又難怪Kay發長文表示「好驚喜」,仲話老公一定係想鼓勵佢跳出自己既定框架。當時唔少網民都留言表示「隔住個mon都聞到火藥味」。

呢份情人節禮物,好快可以享用。(謝安琪圖片)

勇於挑戰嘅張繼聰,上月老婆生日時,再次放話「佢真係好值得擁有一切 同埋多一部電單車 」或者係呢種打唔死精神,打動了謝安琪,因為44歲的Kay ,周四(8日)在IG上載了一張學習駕電單車嘅照片,並發文表示:「我冇諗過原來報名當日,可以得到機會坐上電單車感受一下,感謝導師安排。雖然服裝方面,可以話係嚴重出錯,但係無損我凌厲嘅眼神。我究竟諗緊乜嘢?我係諗緊......屋企全部都係棍波車,我一定要考到棍波車牌,如果唔係有人又有藉口……再買新車。」之後謝安琪仲tag埋張繼聰,並表示「一定要考自動波」。

謝安琪44歲生日着大露背裙爆發仙氣 張繼聰一暖男舉動閃盲網友

點擊圖輯睇謝安琪張繼聰放閃日常+Kay的性感日常:

+33
+33
+33


請使用下列任何一種瀏覽器瀏覽以達至最佳的用戶體驗:Google Chrome、Mozilla Firefox、Microsoft Edge 或 Safari。為避免使用網頁時發生問題,請確保你的網頁瀏覽器已更新至最新版本。