46歲張玉珊愛情路仍交白卷 好友蘇永康作媒人場面尷尬

撰文:洪曉璇
出版:更新:
46歲嘅張玉珊25歲退出娛樂圈創辦修身堂,當年更加係最年輕上市公司主席。(IG:@shirley_msc)

46歲嘅張玉珊當年被星探發掘拍廣告入行,其後加入娛樂圈,至25歲退出娛樂圈創辦修身堂,當年更加係最年輕上市公司主席。事業得意但愛情路上仍未有進展,原來好友蘇永康曾經為佢作媒,個飯局仲相當尷尬。

46歲嘅張玉珊暫未搵到真命天子。(IG:@shirley_msc)

張玉珊同蘇永康擔任節目《諸朋好友》嘉賓,張玉珊話自己由細到大都係好獨立嘅人:「屋企係傳統潮州人家庭,媽咪對我非常嚴格,係一件事都唔可以做錯。媽咪一直覺得我會嫁出去,潛意識我會好驚,心諗嫁人要倚靠對方真係唔可以偷雞,所以自細訓練到好獨立。」

張玉珊同蘇永康擔任節目《諸朋好友》嘉賓。(影片截圖)

崔建邦追問張玉珊愛情態度時,蘇永康不禁搶住回應,自爆曾經做雞仔媒人為老友拉紅線:「三星期前一個飯局我同太太都有出席,有一班長輩在場,請咗一位香港嘅翹楚,就擺喺佢隔離食飯,佢就飲咗少少酒,講嘢就多咗啲,佢直情話唔好搞到啲氣氛咁尷尬;但嗰位先生就好有修養咁喺度食嘢,食到咁上下就起身走先。我覺得呢位先生都好好,我行埋同佢講送佢出去,唔好意思今晚搞到你有少少(尷尬),佢就話唔使唔使就自己走先。一走佢就話唔好咁啦,我哋自己會聯絡嘛。」身邊嘅張玉珊面都紅晒叫佢唔好再講太多。

+15

蘇永康更喺節目中爆料,指張玉珊愛靚程度相當誇張,竟購入屋企對出單位做衣帽間:「不如講一講佢嘅衣帽間,佢自己住一個地方,有時會請朋友返去食飯,全海景,好靚。『Shirley,你啲衫擺喺邊?』,你過嚟,開門走廊過對面有一個Flat(單位),成個Flat都擺滿晒衫,呢行白色咩牌子,鞋點擺好,分類晒。(將另一個單位變成擺衫嘅倉?)對,我有拍低咗。」

+3
你可能感興趣