Anson Lo狂吸金交俾媽咪管想置業  Edan:次次同佢行街就出血

撰文:鄺鈺瑩
出版:更新:
Anson Lo有不少護膚產品廣告,主攻女性市場。(ig圖片)

本地男團MIRROR出道兩年多,幾位成員去年開始SOLO出歌,人氣有增無減,當中以姜濤喺4個月之內拍30廣告最為厲害。之不過,其實MIRROR另一成員Anson Lo(盧瀚霆)吸金力亦十分強勁,而且大部份均為護膚產品如Shu Uemura、ORIGINS、NIVEA等,明賺女人錢,再加上商場活動、線上直播,短短4個月已有逾十個廣告品牌在手,難怪他接受《香港01》訪問時,透露俾媽媽嘅家用大幅上升,亦開始考慮置業問題。

與家人同住的Anson Lo表示今年開始要慳家,希望可以早日置業。(劉智源攝)

Anson Lo與MIRROR另一成員呂爵安(Edan)今午出席ViuTV劇集《大叔的愛》宣傳活動,提到理財方法時,二人都選用保守嘅儲蓄方式。Anson Lo表示:「踏入2021年,家用係上升得幾多,所以都無得話點理財。同埋媽咪本身好著緊我儲唔儲到錢,所以佢每個月都會問銀行balance有幾多,以前得閒無事、鍾意就會買飾物、衫褲,但係呢一年都無 乜。」

Edan踢爆Anson Lo買嘢勁誇張,自己亦受對方影響。(劉智源攝)

在旁的Edan笑言以前買心頭好時都會考慮好耐,但如今會態度有所改變,之後又踢爆係因為受Anson Lo所影響:「次次同佢行街就出血, 佢真係好誇張,譬如買衫,我以前係絕對唔會用呢個價錢買,但而家都OK啦。(對方最出血一次係幾多?)佢買貴嘢多數都唔係同我買 ,可能覺得同我去無咩意思。」對於Edan「指控」,Anson Lo直認以前確係比較捨得使錢,但亦補充表示:「而家開始慳家,覺得不如儲大嚿啲買樓,起碼可以照顧到屋企人先。」不過對於置業一事,二人都笑言「諗同做唔做到係兩回事」,問到會否要求公司加job早日達標,Edan表示「有得做就好啦」。

《大叔的愛》大眾演員齊為黃德斌提早慶生。(劉智源攝)

點擊下圖睇Anson Lo有咩廣告喺手

+5
發表評論...