阿嬌鍾欣潼教唔修圖自拍曬尖面 疑反擊身形暴脹指控
撰文：洪曉璇
出版：更新：
早幾日鍾欣潼有份參與嘅內地綜藝節目《怦然心動20歲》預告片曝光，片中驚見阿嬌忽然暴脹，尖面變圓面連頸都唔見埋，好姐妹蔡卓妍回應指阿嬌係受荷爾蒙失調所累，叫大家唔好太聚焦於身形。
出道以來阿嬌身形一向時肥時瘦，但無論幾多磅都無影響佢嘅高顏值。呢日佢喺抖音上載新片，教大家用冇濾鏡、冇美顏嘅「原相機」自拍，明顯對自己相當有信心，照出影完唔修圖直出都無有怕！
預告片出街後，阿嬌鍾欣潼上載新片，高炒之下塊面即刻尖返。（鍾欣潼抖音）
見到短片中阿嬌一直以右手拎電話高炒拍攝，尖面即刻出返嚟，佢話有朋友教佢用電話相機自拍一樣可以好靚，只要撳智能檢測、自動對焦鎖定、優先快速拍攝、智能HDR、鏡頭校正、曝光調整到0.3……撳晒一大堆功能之後就影到靚靚自拍。阿嬌又側面又貼面舉V字再擺埋港女牙痛POSE，即時瘦晒靚晒！其實最緊要健康，個人精神影出嚟自然靚啲啦。
點擊睇阿嬌教唔修圖自拍以及其他靚相：
+23