母親節︱海俊傑翻唱《念親恩》灑男兒淚　後悔錯過見媽媽最後一面

今日（9/5）是母親節，出名唱得的海俊傑亦拍片翻唱了陳百強經典金曲《念親恩》，更邊唱邊喊，令人感到戚戚然：「呢首歌送畀天下嘅母親，同埋我在上天嘅母親。」雖然海媽媽因癌病復發已經離開接近20年，但海俊傑仍然未能釋懷自己未能錯過見媽媽最後一面：「當時我喺北京拍緊《我愛鍾無艷》，收到消息後，導演都好配合漏夜安排趕拍晒我嘅戲份，畀我趕去美國，但因為我冇錄卡嘅關係，要經香港先去到，而第二日朝早，我就喺香港收到電話，話媽媽已經走咗。」

由於家人移民美國，海俊傑與媽媽聚少離多，但他仍然好記掛母子的相處點滴：「細個嘅時候，我好曳、好百厭，媽媽日日都籐條炆豬肉，最記得係有一次打得好犀利，打到我已經唔識喊，反而阿媽就喊，攬住我叫我唔好咁曳，問點解日日都要我打你，我話我會乖喇。」而他亦想借歌曲提醒大家要珍惜與家人相處的時光，不要令自己後悔。