譚嘉儀靚相獲讚性感 網民提議出寫真:如有出版商搵我會考慮
撰文:鄺鈺瑩
出版:更新:
譚嘉儀不時喺IG分享靚相,日前佢喺酷熱天氣下同姨甥女去到海洋公園,背心加熱褲呢個基本動作做到足,之不過,當嘉儀一個華麗轉身後,網民發現原來白色背心嘅真身係泳衣,背後綁帶呈「井」字形,睇見都覺得涼爽。譚嘉儀呢一身嘅裝扮,加上佢姣好嘅身材,有網民認為佢絕對夠資格出寫真,仲話「冇理由有錢唔賺」
對於網民跪求出寫真一事,譚嘉儀接受《香港01》訪問時表示:「我自己就冇考慮過,但如果有出版商搵我,我都會考慮吓,但最緊要健康,因為健康嘅寫真集比較少人會出。」問到平日的福利圖由咩人操刀,譚嘉儀就話朋友或者屋企人,而同好多KOL一樣,一張相起碼都影十幾次先收貨。「識我嘅人都知道幫我影相都起碼要影十幾張 , 每次去到景點都會預留時間比我影相,可能因為自己係完美主義者,同埋都想練習多啲擺pose所以影得比較多。」譚嘉儀又謂,着得少唔代表一定係性感,對於她來說影得靚同健康先係最重要。
問到經常派福利圖,可曾因而收過奇怪嘅私訊,譚嘉儀表示:「都試過收到一啲奇怪的訊息,例如話我對腳好美白好滑,比較猥瑣的訊息,亦都有收過話可否做佢老婆的問題。」
點擊睇譚嘉儀性感靚相:
+37