林盛斌（Bob）今晚（29/5）現身將軍澳電視廣播城出席無綫（TVB）《萬眾同心公益金》慈善籌款節目直播。提到早前突然在社交平台大曬露點照引起網上熱議，Bob笑言：「嗰日忽然覺得悶悶哋，打開手機見到呢張相，覺得幾得意，就擺咗出嚟。不過我都估到實有迴響，之後就睇到有啲留言鬧爆我，但亦有啲留言都幾得意又好笑。而且有啲網民，就特登影埋同我一樣嘅相，仲留言話同我個粒唔同顏色，仲問我佢嗰粒健唔健康，見到呢啲留言都覺得幾好笑。」