朱慧敏（Queenie）今日（25/6）現身出席香港開電視全新節目《中西合醫》錄影。Queenie透露近來積極養生，同老公醫生陳良貴（Jason）準備造人：「其實我同醫生都好鍾意小朋友，又咁啱疫情又去唔到旅行，就諗不如索性將生B計劃提前。（每晚不設防？）我想講嫁咗佢之後，先發覺原來醫生工作真係好忙，因為佢好多時要睇症同埋為病人做手術，咁所以變咗我真係要同醫生佢度期，係要同佢預約先得，其實我同佢本身真係有心有力㗎！」