王菲今日（16/7）現身電視城出席《刑偵日記》宣傳活動。提到在自己第一部正劇就飾演袁偉豪（Ben)老婆，演技備受網民讚賞，王菲表示喜出望外：「其實我收到劇本時先知，要我拍一啲情緒咁激動嘅場口，當時我係有啲驚擔心自己演唔到。但監製導演佢哋好好，可能知道我係新人，特別將呢場戲放到最後先拍。係想我同阿Ben可以培養出感情後，到正式拍嘅時候就可以順利完成。（睇返自己演出表現如何？）睇到自己好唔順眼，好想即刻熄咗部電視佢，哈哈，原來睇返自己演出係好尷尬。不過，始終都要睇，睇返自己有咩地方需要改進嘅。」