單對單|江美儀送朱古力畀前夫嬲到FB出PO:我想佢做嘅嘢佢做唔到

撰文:張嘉敏
出版:更新:

由黎芷珊主持的節目《單對單》最後一集請來江美儀以及黎瑞恩擔任嘉賓,與大家分享如何好好享受一個人的快樂。江美儀與吳君如胞弟吳君祥由相愛到結婚最後離婚,她在節目中再次剖白兩人離婚真相以及感受。

江美儀曾與前夫吳君如細路吳君祥愛情長跑11年。(資料圖片)

美儀直指離婚是因為彼此的步伐不同,即使她也有嘗試過去挽回這段關係,可是她亦逐漸認清了自己想要的,對方根本給不到:「咁人嘅步伐唔同,挽回嗰個速度都唔同,你好想一二三四五,咁可能係做完一,好耐都無二,咁你咪會好辛苦囉。咁我又見佢無乜特別嘅行動話想箍煲呀,又或者係我要求高啦,我有個expectation喺度啦,即係我希望佢做呢樣,做呢樣,做呢樣,可能佢做咗嘅,只係我唔覺,或者唔係我想要嘅,佢有講過話我想佢做嘅嘢佢做唔到。」

她坦言想要浪漫想要驚喜,又憶述以往送朱古力給對方的經歷:「有時收埋盒朱古力喺枕頭底送畀佢,但係佢收到,佢無表示架喎。咁我曾經喺facebook出過個post,我話你覺得個枕頭底嗰盒朱古力,係神蹟吖,定係個工人暗戀你呢?即係你唔會問點解有盒朱古力喺枕頭底架咩?」

美儀不介意給予另一半很大自由度:「你綁住佢Check住佢冇用架!佢要走咪由佢走咯。」
+28
發表評論...