炎明熹透露姑丈做助手冇糧出:佢唔在乎錢呢樣嘢!

撰文:吳子生
出版:更新:
姑丈經常陪伴炎明熹出席公開場合。(葉志明攝)

炎明熹(GiGi)今日(我17/8)現身銅鑼灣出席趙增熹「光影回憶:電影中的美麗與哀愁」記者會。提到姑丈身兼母職照顧起居飲食,而且經常陪伴在側出席不同大小公開場合,GiGi表示感恩::「其實佢係全天候照顧我,而且佢係我另一個靈魂。(你有冇出糧畀佢?)我係冇。反而佢要出畀我,哈哈!(佢冇要求有工資?)佢就唔會太在乎錢呢樣嘢。但如果自己要使啲錢時,佢就會唔捨得,但佢就會捨得成日用錢喺我身上。(雙方會否有磨擦?)係會有嘅,但就比較少。不過,有時我比佢囉嗦得多,覺得佢講咩都係一,其實佢唔需要重複重複又講,哈哈!」

炎明熹透露姑丈冇人工。(葉志明攝)
發表評論...