微博Tag菊梓喬疑公開戀情 吳卓羲：唔講呢啲喇
撰文：吳子生
出版：更新：
吳卓羲出席新店開幕活動。（葉志明攝）
吳卓羲日前凌晨4時在微博突然出Post ，Tag咗女歌手菊梓喬(Hana)，引起全城熱話競猜兩人正在拍拖。阿Ron 今日（11/9）現身尖沙咀出席新店開幕活動時，就此事回應：「其實我係透過鄧智偉而認識Hana嘅，之前有講過加大家微博，而嗰日我凌晨開緊工嘅，玩吓手機時就見到佢，於是我就Tag佢，想話畀佢知我加咗佢，點知就牽連大波。其實我又冇講嘢，唔知點解第二日會變咗一堆熱搜新聞。」
Ron否認同菊梓喬拍拖。（葉志明攝）
被問到有這樣神心看Hana微博會否太掛住對方所致？Ron笑言：「點會掛住佢？咁睇朋友唔係男就係女，其實我有睇韓瑪莉啲嘢㗎，我都有加佢微博，不過你哋唔講，我都冇辦法㗎，哈哈！（身邊朋友有否打電話問究竟？）係朋友，就唔會打電話嚟問啦。只不過係嘅網民鍾意猜測，我係明嘅。（網民覺得你哋好登對！）唔講呢啲喇！解釋咗微博事件就算。」
傳與菊梓喬拍拖，阿Ron大感無奈。（葉志明攝）