「翻版李佳芯」羅佩芝自揭種生基後行好運：人緣好咗，工作多咗！

有「翻版李佳芯」之稱的羅佩芝（Giann）今日（11/9）現身觀塘出席香港開電視《旅遊達人II出走》節目錄影。Giann透露自七仙羽師傅幫她種生基後，行好運事事順風順水：「其實我係喺拍靈探節目先認識佢，而係拍攝初期時，佢就帶我哋種生基，但唔知點解我就覺得種完之後，真係好運咗，工作多咗，人緣好咗，而且財運都有改善。（點種法？）師傅要我哋用一個薯仔，寫好晒啲願望及生日加手印，放喺個薯仔度，師傅就會用紅繩加好多道符綁埋一齊，然後埋喺一個隱蔽嘅地方作法咁就完成。不過師傅就冇交帶落之後使唔使還，但我就會做善事。」