關禮傑與女兒關楓馨（Tiffany）周二（5日）父女檔出席《善心滿載仁愛堂》記者會，二人接受《香港01》訪問時透露他們將於當晚繼《2021香港小姐競選》後再同台演出，關禮傑說：「我喺公司好少表演唱歌，今次為咗慈善就父女檔一齊唱，至於曲目就要賣個關子。」至於大眾關心Tiffany是否簽約無線，她就回應指：「傾緊合約，（簽約條件）都開心嘅。」旁邊的關禮傑立刻幫口：「都唔會差得去邊，又唔會好到天上咁好，好合理啦，新人嚟講都相當唔錯。」

關禮傑鼓勵女兒作多元化的嘗試：「例如我自己喺TVB成長，雖然過程係艱辛，但係學到好多、可以鍛練人生，都值得嘗試。（怕囡囡辛苦？）呢行係絕對辛苦，咁先會捱出成果。（放心交囡囡畀TVB？）係啊，佢參選港姐真係成長咗好多！」與此同時，關禮傑亦承認自己近日已離巢無綫：「只係冇捆綁式合約，我一直都喺公司成長，都唔會話離得開去邊，自己想外邊發展嘅時間多啲，TVB嘅工作量就交番畀個女。」