陳凱琳兒子日漸成長拍親熱戲有底線:如果唔符合就唔會做
撰文:吳子生
出版:更新:
陳凱琳(Grace )今日(15/10)現身尖沙咀出席自家化妝棉品牌開幕禮。Grace透露有次在家中收看電視時,興奮問大仔鄭承悅(Rafael)電視畫面中人是誰?Rafael反應極之冷淡回應說媽咪,令Grace甚為無癮:「佢嘅表現就好似問答環節咁,你問佢,佢答完就走咗,可能佢真係仲細,未意識到電視裡面Daddy媽咪係做戲同拍廣告,年紀可能仲未明。」
被問到兒子日漸長大,會否避免接拍親熱戲份?Grace表示:「其實自己就冇點諗過,但我哋作為演員就有責任演好個角色。如果有啲底線唔係太過符合自己,就會唔做嗰啲場戲,但本身我哋接嘅時候都會好清楚知道人物角色係乜嘅。」