【黃宗澤前度】甄詠珊做老臨慘遭爆粗問候 「拆彈」學唱歌再出發

撰文:
最後更新日期:

10多年前跑龍套的甄詠珊,如今在電影《掃黃》裏擔正做女一了。

上回講到,甄詠珊16歲時,父親因金融風暴而申請破產(http://bit.ly/2kBHldS)。甄詠珊得知此事後,就算讀緊書也到處搵工,望能幫補家計。後來邊讀書邊打工難以兼顧,直接輟學全力打工。

於是,甄詠珊曾經試過跑龍套。當時年紀輕輕的她,上到片場曾遭受過幕後人員的冷言冷語。雖然只是跑龍套,但甄詠珊對於工作依然認真,她憶起當時不快事說:「之前拍過一套鬼片,導演有一幕的安排不同了,於是我就開口講:『唔好意思呀,如果咁樣做嘅話,會連唔到戲喎。』當時我知道自己做多咗,但我都係為件事好。而幕後人員聽到之後,覺得我阻住佢收工,就用一啲好難聽嘅粗口去鬧我。」甄詠珊被人用粗口問候,當然會hard feeling,但她選擇忍:「因為我覺得要成功嘅動作,其中一樣就係要忍。」

甄詠珊(右)曾經是整容組合Freeze成員,掀起一時話題。

當時選擇忍,甄詠珊想要的東西很簡單:「我都唔係為咗紅,我都想希望自己有一日成功,希望自己拍戲,係會有say。我而家都算做得到,我都相信只要肯努力,有say呢樣嘢會一直喺度。」所謂「忍一時風平浪靜」,10多年後,甄詠珊終於在電影《掃黃》裏擔正做女主角,飾演便衣警察。對於自己的事業,甄詠珊自問還不算成功。是否還在等待一個好劇本,有發圍之時?甄詠珊說:「呢樣嘢隨緣啦,我都係做想做嘅事。」

而甄詠珊最爆的,就是07年曾與石詠莉及陳樂榣有個組合叫Freeze,當時3人最大賣點,就是隆胸與整容,曾佔了不少娛樂版面。如今3人各散東西。石詠莉現在以藝名Sukie S出發燒碟,早前男友鄧健泓更向她求婚,準備成為人妻;而陳樂榣退出樂壇後,都開畫室教畫畫。至於甄詠珊隨組合解散後,都馬上「拆彈」,重新過自由的生活。她自知當時歌藝未夠好,所以現在都有跟老師學唱歌,做一個真正值得大家留意的歌手。

甄詠珊依然會想唱歌,她專注做歌,更參與作曲。



X
X
請使用下列任何一種瀏覽器瀏覽以達至最佳的用戶體驗:Google Chrome、Mozilla Firefox、Internet Explorer、Microsoft Edge 或Safari。為避免使用網頁時發生問題,請確保你的網頁瀏覽器已更新至最新版本。