黎諾懿太太李潔瑩預產期將至 憶小春雞初生曾患尿道炎

撰文:洪曉璇
出版:更新:
黎諾懿跟「小春雞」為腹大便便的李潔瑩準備入醫院時的「走佬袋」。

本月將再為人父的「暖男爸爸」黎諾懿,近日忙着照顧太太李潔瑩(Nicole)及向4歲兒子「小春雞」黎峰睿灌輸做哥哥的訊息。日前,黎諾懿就跟「小春雞」為腹大便便的李潔瑩準備入醫院時的「走佬袋」。

黎諾懿與太太向4歲兒子「小春雞」黎峰睿灌輸做哥哥的訊息。

自「小春雞」出世後,黎諾懿與太太一直共識要再造人,雖然黎諾懿一直希望第二胎生女,可以湊成「好」字,但第二胎仍是生仔,如今湊成「孖」字也不錯,他說:「即將再做爸爸,心情係開心嘅,因為無論工作幾攰都好,只要返屋企見到佢哋就會咩都忘記晒,咩都值得。」但黎諾懿斬釘截鐵表示「兩個夠晒數」,他謂:「我同太太認為兩個小朋友就夠,再多個小朋友,會分唔到身,最緊要佢哋兩個小朋友相親相愛,我湊峰峰(小春雞)時,太太湊細佬,咁樣時間會分配得好啲,雖然今次唔係生女,但都唔會再追,而家已經好完美。」

黎諾懿與太太李潔瑩(Nicole)第2個囝囝即將出世。

回顧之前跟太太入產房生「小春雞」時,黎諾懿自嘲當時是新手爸爸,表現十分狼狽,他謂:「上次始終第一次做爸爸,好多嘢準備得唔夠好,例如潤膚露、冇刺激性嘅沐浴露及濕紙巾,都冇準備,搞到峰峰(小春雞)有少少皮膚敏感,亦有少少爛Pat Pat,而且峰峰嗰時亦有少少尿道炎,我都唔識得處理,相信今次我會識得處理,所以今次冇咁大壓力同咁緊張,好期待小生命嘅出現。」黎諾懿續說,上次陪太太入院生「小春雞」,一點也沒有享受過過程,印象只記得忙到一頭煙,他笑言今次會好好享受,他說:「好多人問我今次會唔會剪臍帶,我嘅答案係『唔會』,我雖然鍾意煮嘢食,但係我都好怕見血淋淋嘅嘢。」

點擊睇黎諾懿何文田大宅及一家靚相:

+51
你可能感興趣