一起走過|盧惠光澄清當年冇被成龍炒魷:有問我跟唔跟佢上北京

撰文:洪曉璇
出版:更新:
盧惠光日前帶同大仔盧俊諺(Jacky)及細仔盧俊希(Jovan),接受港台《一起走過》楊紹鴻、寶珮如訪問。(影片截圖)

七屆拳王盧惠光多年來拍攝無數電影,動作影星硬漢形象深入民心,但原來他竟曾被騙到菲律賓拍三級片﹗他接受訪問時憶起當時情況仍相當有火:「有部戲被人賣豬仔,去到又話做男主角,但原來係拍三級片,喺菲律賓拍到自己喊咁滯。」

在電影《古惑仔》系列中飾演「太子哥」的盧惠光曾是80年代的香港拳王,他於1998年與前亞姐黎淑賢(Bonnie)結婚並育有兩子。(IG/ @kenlow_1)

盧惠光日前帶同大仔盧俊諺(Jacky)及細仔盧俊希(Jovan),接受港台《一起走過》楊紹鴻、寶珮如訪問。被問到從影多年來經驗,盧惠光說:「有部戲被人賣豬仔,去到又話做男主角,女主角又好靚,但原來係拍三級片,費事講戲名……喺菲律賓拍到自己喊咁滯。(要鏡頭前「露股」?)要我露?我老虎蟹都唔露,話剝低少少見pat pat得唔得?嘩,大佬,點見呀,激到我……唔係話拍呢部戲唔開心,你要同我講真話,喺香港睇女主角張相係ok,話喺韓國選美得過第三。我唔係講笑,去到現場見佢篤起隻脚,啲腳趾『裙晒邊』,好似啲人耕完田,我直頭講粗口,問導演係咪玩我先?話呢場戲你嚟做啦……見到啲腳邊黑鼆鼆,我點攬住隻腳上嚟做戲?跟住我攞電話畀導演睇相,話我唔係詐你型,我都要做,但要我剝晒就唔做。」翻查紀錄盧惠光90年代拍攝過最少2套三級電影《慾海花》和《機密檔案之致命誘惑》

盧惠光除了拍攝多套動作電影,原來曾被騙去拍三級片。(IG:@kenlow_1)

提到大仔的英文名叫Jacky,同成龍的英文名Jackie同音,盧惠光搞笑說:「Jacky幾好聽呀……有次一齊食飯我特登鬧佢,我好大聲嗌Jacky講埋粗口。跟住大哥就問咩事,我話唔係叫你,係叫我個仔。」入行以來盧惠光與成龍合作無數電影,但2009年遭成龍公司遺散,他回應指:「又唔可以講『炒魷魚』,呢度要澄清係解散。嗰時可以講係人生低潮,直頭低到係黐地下,供樓、讀書又要交學費,銀行供樓要幾萬蚊息,點供?打開銀行簿剩番好似夠一半供樓,就喺嗰時佢(楊紹鴻)叫我入亞視拍兩部劇,收咗張20幾萬支票,解決咗好多嘢。(被人「解散」很無奈?)因為當時搞離婚,公司又上晒北京,佢(指成龍)有問我跟唔跟佢上北京,我第一句乜都冇諗就話唔上,我要睇住兩個仔,話我上咗去兩個仔冇人睇,唔上就冇嘢講,就搵人傾解散,冇咩特別,又唔係話炒你魷魚。」

點撃睇盧惠光大仔盧俊諺與女友Natalie甜蜜照:

+28