林鄭月娥直播疑「爆粗」　林作即發文抽水：同客戶們增進感情

香港特區行政長官林鄭月娥今日（2月4日）下午5時30分會見傳媒，表示今波疫情是抗疫兩年來最惡劣，重申目標仍然是「動態清零」，政府仍然會採取圍堵策略。不過在說到「除咗供應...呀，唔係，X，除咗提供緊急，即係Emergency」時，懷疑是說漏了嘴，不小心「講粗口」，片段還立即在網上引起討論和瘋傳。

林作亦即時在其Instagram上寫道：「很多人話，同客戶打開話題好難。約客，好難。而我，覺得實在太容易。今日係咁用呢條片，同極度多陌生客戶打開話題。好簡單，send條片俾人，然後認真討論：你覺得，佢係咪講咗個 X 字？然後無論佢講係定唔係，你都可以持相反意見激辯一小時。就咁就可以同客戶們增進感情啦！你覺得呢？佢唔係講X，係講咩？」林作的「抽水」功力真的十分深厚。