汪明荃難忍腳痛就醫 網友建議偏方治療：用火花射落去
撰文：洪曉璇
出版：更新：
汪明荃雖已74歲，但仍活躍於幕前，早前更在慈善騷上再次跳唱《迷人Pink Lady》，絕對是寶刀未老﹗但原來她雙腳有舊患，羅家英更曾建議她用恐怖偏方治療。
74歲汪明荃騷「絕對領域」，早前在慈善騷上再次跳唱《迷人Pink Lady》，絕對是寶刀未老﹗（《博愛歡樂傳萬家》截圖）
日前汪阿姐在IG發文，指自己因腳痛去睇治療師：「不知大家可有（生雞眼）的經驗？相信一定有，尤其是女性，由於我哋成日都換唔同嘅鞋、運動球鞋，高踭鞋、圓頭鞋，尖頭鞋⋯⋯影響啲腳趾的發展，有時會變形，亦好有機會會（生雞眼）。這次是因為腳趾公及第二隻腳趾同時有雞眼、兩隻碰在一起好痛，於是我用了（雞眼貼）兩天，兩隻雞眼沒有縮小、反而啲皮仲厚咗硬咗仲痛咗，最後惟有去找（足部治療師），用刀片去『批』雞眼。任慶福醫師仲驗到我係高足弓，要訂製合適的鞋墊去改善兩隻腳能行得更好。」
日前汪明荃在IG發文，指自己因腳痛去睇治療師。（IG：@wang_liza）
生雞眼可算常見痛症，很多人諱疾忌醫自行處理，有網友分享「偏方」，原來家英哥都曾提議阿姐嘗試：「我小時候就生過『雞眼』，爸爸用火柴頭刷出的火花，向雞眼位射落去（一點都唔痛）我當時還是小學生，每日1-2次，每次用哂一盒火柴，大約2-3星期，雞眼靜靜地冇咗。」阿姐回覆「家英哥曾經提議我咁做，不過我唔敢，冇做。」
+47