女神簡淑兒在《迷》死去，令網民一下子失去追看無綫的動力，但他們最近改為10點半扭開電視，因為有《千奇百趣特工隊》，森美、小儀依然有氣氛，但網民，尤其龍友最想看的是兩位「特務」，一位是應屆港姐冠軍馮盈盈、另一位是《三日兩夜》女神朱智賢，其中朱智賢最近更被龍友界寫了一篇潮文稱讚。

最近龍友網寫了一篇潮文標題為《有一種攝影，叫朱智賢》，文中提及原來除了快門先決、光圈先決外，原來還有M Mode，即是Model先決，意思是被攝對像如果是美女，無論什麼角度拍攝都是美，更說朱智賢就是代表。

被龍友追捧，但朱智賢接受《香港01》訪問時，表示自己有死角，她說：「我真係要多謝攝影師，其實我係有好多死角，我雙下巴好勁㗎，垂低頭就死得，會好肥㗎。」

朱智賢自從拍了《三日兩夜》後人氣急升，2013年選港姐入行的她，入行前為財經界公關，亦做過國泰、港龍空姐，原來她有儲泳衣的習慣，她說：「我家裏有好多泳衣，冇認真數過，20、30件一定有，三點式、一件頭乜都有，塞爆哂，我鍾意去大浪灣，有俾人撩過，通常都係say hi啫，保持身材？冇㗎，什麼6點後不吃飯，完全冇，我什麼都食，肚餓就食，亦好少運動，木瓜我唔食，我身材天生就係咁，哈哈….選港姐真是我的夢想，我知咁答好老土，但真係㗎，我冇諗選不選到，但最驚俾傳媒掟我落豬扒組。」

朱智賢現忙做《東張西望》主持，形象斯文入屋，但私下性格爽朗，拍《千奇百趣特工隊》時，連森美都覺得他太嘈，她說：「我同馮盈盈在裏面真的是真性情，佢把聲可能高音少少，但我都好嘈，森美都成日笑我，叫我靜少少，不過我諗監製就是知我同盈盈這麼嘈，所以先叫我哋拍啩？」