袁偉豪因張寶兒一句話定情 當年剖白唔追周勵淇原因竟遭網民重提

撰文:張嘉敏
出版:更新:

J2節目《人夫放假約出去滾》由林盛斌(Bob)主持,他每集都會帶同無綫一線男藝人一起打邊爐一邊傾偈,袁偉豪就是他的其中一位嘉賓,該集於早前已播出。Ben在節目中大談他跟老婆張寶兒的性格與相處,日前TVB的官方抖音號就重溫了當中一節片段,片中Ben憶述自己當初如何被老婆吸引。

袁偉豪為Bob的節目擔任嘉賓。(IG@benontheroad)

Ben說:「我哋喺非洲拍節目嗰時,有一日我哋要轉內陸機轉景,我每日起身都要飲咖啡,佢就走埋嚟坐喺度同我講『你都幾似鬼佬架喎』,就係呢句說話,嘩,佢好欣賞我喎。」Bob聽完即時爆笑,Ben續說:「咁就由嗰句說話開始,大家互相試探下呀,傾下人生,傾下你鍾意聽咩歌呀,傾下你會唔會想好快結婚呀,咁你點睇呀?咁講講下根住我就話,咁如果你做我背後嘅女人會點呀,佢無答我。喺嗰個非洲大草原度,嗰程車坐咗好耐,佢坐喺我後面,喺度whatsapp,等,佢無答我,靜咗。直到返嚟香港先再有機會認識對方。」

袁偉豪在節目中講到跟張寶兒由拍拖到結婚的故事。(電視截圖)

網民睇完片段後都紛紛留言討論,有網民就表示:「完全明白你有幾興奮」,也有網民笑言:「如果我是男的,只要張寶兒主動過來跟我搭訕,即使她說我似便便,我都會覺得她是欣賞我的。」亦有網民重提Ben的一段往事說:「一直忘不了他那一句『銀包得嗰20蚊點敢追你呀』。」說的就是當年Ben與周勵淇 (Niki) 在節目中講的一句說話。

Ben與Niki於劇集《再創世紀》入面飾演情侶Walter與Ella,可是兩人最終陰陽相隔。Ben和Niki於是拍了一個延續片,讓Walter翻生並與Ella拍一日拖。他們一起去了食車仔麵盡訴心中情,重提以前在地鐵相遇的往事,Niki更問Ben當年為什麼不追她?是否因為她不夠靚?Ben想了想說:「個銀包得嗰廿蚊點夠膽追你呀。如果我當時真係拎住張地鐵飛嚟,話同你做個朋友咁你點?」Niki:「可能真係得!」Niki隨後問Ben鍾意邊類型女仔並自答:「你依家女朋友嗰啲型囉!」不過阿Ben竟然忽然表白說:「唔係呀,你 (我) 都鍾意呀,因為我知道自己高攀唔起你所以先冇進攻你之嘛。」

袁偉豪和張寶兒在2020年結婚,婚後不時放閃大曬恩愛。(IG@_bowiecheung)
+14
+43