36歲劉倩婷向老友記派米糊 望將善心傳給囡囡:等佢了解多啲社會

撰文:陳栢宇
出版:更新:

疫情持續至今,香港人兩年多來一直齊心抗疫,而全球No.1有機品牌、德國有機奶粉HiPP喜寶為抗疫亦不遺餘力,近日聯同慧妍雅集及一眾藝人黎諾懿、陳山聰、張名雅、陳敏之等,發起送暖行動,捐贈逾萬盒「HiPP有機純米糊」予多間安老院及社福機構:樂施會Oxfam、國際十字路會、基督教香港信義會社會服務部、Foodlink、香港基督教服務中心、香港耆康老人福利會、病不孤單基金會、基督復臨安息日會,給長者與小朋友及嬰兒,而慧妍雅集執行委員會會長劉倩婷、邵珮詩、唐麗球更身體力行,親自落區探訪並向一班「老友記」派發米糊。劉倩婷表示疫情期間一直安在家中抗疫,為慈善無懼冒險外出,因她希望將這顆善心傳承給女兒。

慧妍雅集執行委員會會長劉倩婷日前落區探訪一班「老友記」,並向他們派發米糊。

近年主力擔當慈善工作回饋社會的劉倩婷,在疫情期間不時落區派發物資,近日她與中華倫敦協會、Mindful Mandarins等團體,及邵珮詩、唐麗球到老人院舍派發「HiPP有機純米糊」,她說:「呢段時間,各方都有壓力及需求,尤其部分獨居或行動不便嘅老人家,好需要大家幫忙;老人家咀嚼唔方便,捐贈米糊一來方便佢哋食,二來又有營養同飽肚,估唔到BB嘅食物原來都啱老人家。」落區探訪中,劉倩婷指遇上一位近90歲的老人家,令她留下深刻印象:「遇到一位好健談嘅老人家,我哋全程企喺度傾偈傾咗半個鐘,雖然對方年紀咁大,但話裡行間好正面同積極,仲倒轉向我哋發放正能量同關懷。」

邵珮詩亦有身體力行去落區探訪。

第五波疫情嚴峻,劉倩婷與囡囡近兩個月差不多每天安在家中抗疫,她謂:「除咗落區做慈善工作,幾乎都冇出過街,親子時間多咗好多,而我亦好好利用呢段時間去處理咗好多家事、修讀金融課程,同埋準備慧妍雅集40周年慈善羽毛球大賽及大型籌款活動。」問到疫情過後,會否將善心延續下一代,帶囡囡去做慈善工作?劉倩婷說:「絕對會,之前都有帶佢去做慈善工作,等佢感受多啲,令佢知道社會有好多人需要幫助,而家我都有畀囡囡睇多啲新聞,等佢了解多啲社會嘅事。」

點擊下圖觀看劉倩婷IG靚相:

+10

此外,陳山聰亦在社交平台呼籲今次送暖行動,雖然現時仔仔Jaco只有一歲多,但他已希望培養仔仔成為小義工,他說:「長者曾經是香港嘅棟樑,為香港建立咗好多嘢,我覺得我哋呢一代要回饋番畀長者;而我作為爸爸,我都希望將呢顆心感染到仔仔,將來疫情好轉,我會帶Jaco去行善,畀佢知道社會有好多人都有好多不足、其實佢好幸福,由細開始培養佢行善,我爹哋培養我,我希望可以培養佢。」

陳山聰希望可以培養仔仔Jaco成為小義工。(Instagram/@joelshanchung)
你可能感興趣