吳婉芳二子胡智同首個畫展揭幕 靚仔大隻堅稱冇興趣入行

撰文:朱奕錦
出版:更新:

前港姐吳婉芳(May)二子胡智同(Lynus)首次個人畫展「胡智同:色彩的巡禮」於今日(20日)正式揭幕,Lynus一身casual打扮與媽媽一起亮相,對於籌備了6年的畫展終於問世,他也表示很開心:「因為我哋想做一個concept gym(概念健身室),好想開咗個畫展先開個gym,咁啲人就會有個question點解會喺個gym度開畫展呢?第二就係話,點解會開呢個畫展先嘅?其實gym同art係同一樣嘢嚟嘅。」

Lynus希望通過畫作去傳達積極的觀念。(梁碧玲攝)

綜觀Lynus的作品,畫風抽象,色彩豐富,他表示:「我不嬲都幾鍾意顏色嘅,我覺得顏色好易吸引人,因為你一見到幅畫好鮮或者好多色,咁你會望;第二就覺得express(表現)到我想表達嘅嘢,因為我其實可以畫到好深奧,但通常嘅人都係對顏色係最易會明嘅,即係可能我畫幅畫係好暗嘅,咁你應該係即刻聯想到可能好deep嘅畫,或者可能好鮮色嘅,咁你就可能覺得係開心啲嘅畫,我覺得係一個好好嘅方式去講個message(信息)。」

Lynus鍾意用豐富的色彩表達。(梁碧玲攝)

對於作品傳達的理念,Lynus坦言:「我會想係一個positive(積極)嘅impact(影響),因為呢個exhibition supposedly係一個行入嚟就會係一個self-reflection(自我反思),所以呢度周圍都係鏡,咁你一路行過嗰個painting就會見到自己個樣喺度,係一個self-evaluation(自我評鑒)同埋一個去思考嘅過程。」

Lynus表示媽媽對自己影響深遠。(梁碧玲攝)

今年26歲的Lynus身材高大壯碩,外貌繼承媽媽優良基因,因此受到不少網友關注,不過他多次透露對入行並無興趣:「其實我開呢個gym room都唔係因為我,係開來畀人知道gym同art呢個concept,希望啲人見到呢個地方唔係諗起係我,係諗個whole story,或者見到就係呢個係gym同art嘅concept。」

👇👇👇點擊下圖睇吳婉芳靚相和三個時期合照👇👇👇

+8