絲打圍爐︱彭秀慧曾兩次被求婚 憶前度提結婚經過:同一晚就分手

撰文:陳芷穎
出版:更新:

彭秀慧(Kearen)昨晚(27/5)現身網上節目《絲打圍爐》與主持人楊詩敏(蝦頭)和連詩雅(Shiga)大談「女人到底係唔係『一定』要結婚生仔?」47歲的Kearen坦言長大後,對婚姻完全沒有想法,沒有渴望亦沒有羨慕,但同時亦不抗拒:「我覺得婚姻係美麗嘅事,每次去朋友婚禮,無論熟定唔熟,人哋一講誓詞,我就會眼濕濕。」

彭秀慧、蝦頭以及Shiga大談「女人到底係唔係『一定』要結婚生仔?」(影片截圖)

對Kearen來說,婚姻首先要出現合適的對象,而婚姻的需要就像是一個手續:「第一如果你有咩事,去到一啲關口,你要有合法嘅人幫你處理。第二係,當兩個人好好時,『不如我哋結婚』,都係願意對呢段感情嘅一個進階。唔係冇分別,但係咪冇就唔得呢?唔係囉。」

Kearen說有兩次被求婚的經歷,不過最終卻未能開花結果。(影片截圖)

蝦頭追問Kearen有沒有一個前度是去到談婚論嫁的階段,她說有兩次被求婚的經歷,不過最終卻未能開花結果:「Timing係唔啱,有種係想用呢招(結婚)修補關係,絕對唔可以用婚姻嚟覺得兩個人冇事,都未搞清楚。另一個都係,想同我講呢個題目,但同一晚就分手。」Kearen憶述當時和前度出席朋友婚禮後,同日前度便和她討論結婚:「嗰時個心已經覺得呢個人唔係好啱,去到有一日佢突然講,不如我哋諗下(結婚)…我就攞晒啲問題出嚟傾。」蝦頭聽後輕嘆說:「本身係一件可以一生一世嘅事情,變咗係時候終結。」

蝦頭表示假如將來的伴侶希望有下一代,自己亦會配合,不過她卻顧慮到年齡的問題,Shiga立即提議她可以趁未收經前去雪卵。(影片截圖)

談起婚姻,自然就會想到生小朋友的問題,Kearen說對下一代沒有太大感覺,去到現階段更加覺得不需要:「因為我覺得做父母太大責任,真係好偉大,我覺得自己未係。除非遇到一個人,互相嘅愛好強大,強大到可以產生一個BB。」

相反蝦頭卻表示,假如將來的伴侶希望有下一代,自己亦會配合,不過她卻顧慮到年齡的問題。Shiga立即提議她可以趁未收經前去雪卵,蝦頭同意亦大爆曾經有人問她借卵:「一對Gay couple(同性戀伴侶)」,Kearen隨即回應:「一睇就知你啲gene(基因)係正,講真」,Shiga追問:「咁你有冇借到?」,蝦頭笑言:「借?還得到先好借。」

+11

同場加映

唐詩詠揭對愛情失望經歷 前度Check電話成癮:睇晒兩年對話記錄

+5