關楓馨首次拍劇勁擔心會NG 唔介意請教父親關禮傑：一定問佢意見
撰文：賴家杰
出版：更新：
TVB新劇《你好，我的大夫》今天（15日）一眾演員出席拜神活動，入行短短一年，獲監製邀請，首次拍劇，雖然並不是主要角色，但也認為是一個很好的經驗。她接受《香港01》訪問時說：「我都好開心大家畀呢個機會我，我覺得好幸運。拍劇一定要由小小角色開始做起，做好每一個角色先慢慢去另外一個層次。都係經理人通知我有呢套劇。」
楓馨劇中飾演中醫學徒。（葉志明攝）
楓馨始終是第一次拍劇，難免會緊張起來，「我覺得會想做得好，唔希望令其他人失望，亦都唔想耽誤成個劇組，希望自己好好背好劇本。（會擔心瘋狂NG？）我諗盡量唔好諗，要好好練熟劇本，盡情投入。」
而首次拍劇，楓馨表示一定會問爸爸關禮傑演技上的事：「我一定會問佢意見，一齊讀下劇本，要佢畀意見我，當然有爸爸喺度一定問佢意見。」
楓馨笑言拍劇唔會拍辛苦。（葉志明攝）
在3月時候，楓馨與外籍男友分手，更被拍攝到疑似密會紋身新歡，談到感情一事，楓馨即避談：「唔講感情，希望大家專心落我工作，感情就唔講啦。我都係感情方面盡量就唔講，（咁單身定有新戀情）都話唔答感情。」
+5
+21