港姐實習醫生佳麗Chloe家住半山豪宅 港大尖子原來係人生勝利組
撰文：鄺鈺瑩
出版：更新：
《2022香港小姐競選》經過3輪面試之後，20位入圍佳麗正式出爐，昨日一行人去到髮型屋進行大改造，但實習醫生Chloe因事未有出席。
Chloe有學職又有家底，參加港姐可能都係玩票性質。(IG圖片)
25歲嘅Chloe Cheung，畢業於港大內外全科醫學士，現於屯門醫院任職實習醫生。據悉Chloe於求學時期成績優異，而港大向來以醫學院聞名，其內外全科醫學士（MBBS）的收生分數亦是全校最高，讀醫之路雖然漫長，要7年（學位6年、1年實習)才有資格獲聘為駐院醫生，而專科則要再進修，但起薪點已逾5萬元。
同富貴港姐宋宛穎係朋友。(ig圖片）
之不過，家住半山嘅Chloe，薪酬對她來說應該並非最重要。由Chloe過往分享嘅照片所見，與父母同住嘅佢屋企客廳與飯廳相連，並以全白為主，飯廳除有水晶燈之外，亦有8人圓型餐桌，而客廳則放有兩張長型沙發，Chloe與家人只需安坐家中便能飽覽整個維港景色。雖然讀醫之路漫長，但Chloe似乎甚為懂得享受生活，除了閒時學烹飪之外，見佢之前亦有與港姐冠軍宋宛穎齊齊去 Art Basel Private Preview。
+4