張學友激罕剖白夫妻感情求生欲極強 首度公開囡囡萌爆童年相
撰文:張嘉敏
出版:更新:
歌神張學友與林子祥 (阿Lam) 都是出了名唱得之人,亦曾同台Jam歌鬥唱功,近日有網民就重溫兩人多年前於無綫的一個星級訪問,他們大談老婆仔女經。訪問中,學友更激罕剖白與老婆羅美薇的感情,當阿Lam表示與老婆葉蒨文 (莎莉) 有時會分開一下,彼此都需要私人空間,又表示:「我都唔知佢喺度做緊乜,依家好少見面。我有我做,佢有佢玩。」學友便笑問:「依家分開咩?依家分開玩呀?」阿Lam便解釋是因為作息時間不同,莎莉會嘈到他睡覺,所以便要隔開一下。
張學友與林子祥一起做訪問。(影片截圖)
阿Lam隨後問學友:「你無空間㗎咩?」學友說:「我哋成日黐埋一齊㗎。」阿Lam問道:「廿四個鐘頭都黐埋一齊?唔係嘛?」學友即表示:「我話我同個女啫。同老婆黐得仲實。我老婆睇緊㗎,你唔好立亂講嘢得㗎。」足見學友的求生欲很強。阿Lam又謂打波千萬不要跟老婆一齊打,一定會鬧交,他與莎莉就是例子。學友在訪問中還透露囡囡未夠4歲已喜歡唱歌。
點擊睇訪問片段:
+14
點擊睇學友老婆羅美薇靚相:
+5