85歲余慕蓮肺纖維化一度病危 出院後看淡生死：對死亡完全唔恐懼
撰文：吳子生
出版：更新：
魚毛今日出席港台《獅子山下》分享會。（葉志明攝）
資深藝員余慕蓮（魚毛）前年8月被診斷肺纖維化，同年10月底接受治療，後經驗出患罕有病症血液炎而入住伊利沙伯醫院ICU，情况更一度危殆，幸好最終康復出院。今日（2/8）魚毛現身香港電台電視大廈出席港台經典電視劇《獅子山下》分享會。
85歲余慕蓮今日出席活動，用拐杖輕扶可自行行去梳化。（葉志明攝）
提到最新健康狀況，魚毛受訪時表示：「有陣時咳嘅時候會上氣唔接下氣，好似咳到哮喘咁，抖唔到氣，連講嘢都冇聲冇力，係因為醫生係我個喉嚨開咗個窿。而醫生話我呢個病係冇得醫，仲同我講十個人入去做呢個手術，9個人係唔出得返嚟。不過我對死亡完全唔恐懼，我已有晒心理準備。而家每日過得一日，我覺得已經賺咗，而家我每半年就要入院接受鏢靶治療。」
魚毛亦感謝圈中好友米雪的照顧：「佢幫我請埋個印傭，仲會無時無刻咁打嚟搵我問好。而薛家燕亦會定時打嚟問候吓我。鄧達智佢知我行動不便，佢會揸車嚟接我，載我出去飲吓茶，佢哋真係好有我心。」