林希靈主持《一線搜查》 監製問邊個肯去「曱甴屋」:我沉默咗

撰文:林迅景
出版:更新:

講起《東張西望》大家一定會想曱甴屋或老鼠屋,近期開電視開拍新節目《一線搜查》主力報道具話題性的本地新聞、社區及時事資訊,不止是與無綫的《東張西望》類型性質都相似,就連主持也用上了由TVB過檔開電視,曾主持過《東張西望》的林希靈。

林希靈和陳安立今日(07/8)「撐枱腳」睇戲。(梁碧玲攝)

林希靈和陳安立今日(07/8)「撐枱腳」睇戲,林希靈透露他們的婚禮將於12月左右舉行,但由於整個婚禮還是十劃都未有一撇,所以才未發請帖。林希靈表示,現時於節目《一線搜查》擔任主持,對於有人指《一線搜查》只是《東張西望》的翻版,她就說:「兩個都係時事性節目,都係一啲民生事件。你知《東張》都係長期好衝擊,《一線搜查》就係比較soft少少,或者係講吓興啲乜。」

林希靈轉了經理人後,在開電視主持新節目《一線搜查》。(梁碧玲攝)
林希靈提起曱甴屋、老鼠屋都有啲驚。(梁碧玲攝)

《一線搜查》有沒有「曱甴屋」?她說:「係...有嘅。因為監製之前都有問邊個主持夠膽去曱甴屋,老鼠屋。我都沉默咗嘅,so far 大家都好沉默,可能都係我哋呢班過往去過嘅主持去返。」還說自己去得太多,所以希望將這個「重任」交給沒有去過的主持。

+10