何雁詩公開兩個月大Asher長相　仔仔繼承父母靚樣眼大大勁可愛

鄭俊弘和何雁詩夫婦6月時迎來兒子Asher Douglas Cheng，但一直未有公開對方長相，而今日（10/8）何雁詩便貼出一張抱住仔仔的照片，公開他的側面，相中的Asher眼大大勁可愛，明顯繼承了父母的靚樣。何雁詩在帖文中便透露Asher是日心情麻麻不肯食奶，但聽到她的歌曲《基本戀愛套路》第一句「明天～」後便識得開心笑：「畀咗個伸脷嘅燦爛笑容我哋！成日都冇笑過，終於見到佢笑！然後我就好唔爭氣咁開始決堤，手上面嘅口水肩同紗巾，全部用晒嚟抹眼淚。」她又指這一幕令她一直以來的擔心變得值得：「我珍惜每一日攬住BB嘅時間，因為好快佢就學行、返學、到大個仔可能就會嫌媽咪黐身，諗起……我又想喊喇！」

點擊下圖觀看相關圖片：