Mirror演唱會事故｜泳兒10月開個唱舞台無機關：價錢貴要睇餸食飯
撰文：吳子生
出版：更新：
泳兒今日（17/8）現身黃埔新城電台為新歌《18部半》宣傳造勢。泳兒透露10月2日將在九展舉行單場演唱會心情興奮：「因為事隔3年我又喺呢度開演唱會，相比3年前嘅歌，而家又唔同晒，變咗有好多嘢可以喺台上玩。（請咗咩嘉賓？）其實係有心水人選，但就仲諗緊，想搵啲喺音樂上面會有火花嘅。而今次我係想個演唱會緊湊啲，唔想有太多停頓位，咁所以想連換衫嘅環節都係台上面換，集合埋啲歌一起串連。」
被問到舞台上有沒有設置機關？泳兒續說：「我諗唔會有太多機關，因為我啲歌又唔係太過需要，加上機關價錢都好貴，咁所以要睇餸食飯啦。（Mirror演唱會事故，有否對舞台上安全性特別緊張？）我好相信大家喺呢段時間都會緊張，覺得安全性係非常之重要。」
泳兒透露在10月2日於九展舉行單場演唱會。（梁碧玲攝）