12歲王詩齡赴英入讀超貴族寄宿學校 入住房間連安妮公主都住過
撰文：鄺鈺瑩
出版：更新：
12歲王詩齡入讀英國Benenden School，其一身名牌打扮引起網民討論。（微博圖片）
曾經同爸爸王岳倫一齊參與內地綜藝節目《爸爸去哪兒》嘅王詩齡，如今已經係12歲嘅小女生。上月底，王岳倫因為要送愛女去英國留學關係，而被網民影到與前妻李湘同時現身機場。
+3
其後李湘喺社交網透露王詩齡入讀有「公主母校」之稱嘅Benenden School，該校為英國現時唯一一所全寄宿女校，所有學生都必須寄宿，當地生週末可選擇回家或留宿。學校一共有六所宿舍，低年級學生5人一房，Sixth Form學生則可擁有私人房間，一年學費約為36萬港元。英國安妮公主（Princess Anne）和賭王女兒何超欣亦是由此校畢業，李湘透露王詩齡入住嘅房間，是當年安妮長公主曾入住，「溫馨又古老」，並寄語女兒加油。
李湘年早年已不時被影到帶埋王詩齡行名店，今年初，兩母女一身名牌打扮現身時裝騷。（微博圖片)
入學照曝光後，唔少網民嘅重點都落在王詩齡衣著打扮之上，由近萬元嘅Prada漁夫帽、到3萬多元嘅Diro手袋，網民認為年紀輕輕已經如此物質化，但亦有人認為李湘財力雄厚，一定將最好嘅提供俾女兒。